УЕФА се огласи по немилите сцени на натпреварот меѓу Бенфика и Реал Мадрид, каде што, според тврдењата на фудбалерот на „кралевите“, Винисиус Жуниор, бил мета на расистички навреди.

Бразилецот посочил дека аргентинскиот играч Џанлука Престијани, во момент кога со дресот ја покрил устата, наводно го нарекол „мајмун“. Случајот веднаш крена голема прашина, а европската куќа на фудбалот најави детална истрага.

Од Нион потврдија дека веќе е добиен официјален извештај и дека постапката е во тек.

„Го добивме службениот извештај и отворивме истрага. Ќе ги разгледаме сите детали и ќе донесеме одлука за евентуални санкции. Во оваа фаза немаме дополнителни коментари“, соопштија од УЕФА.

Јасно е дека задачата нема да биде лесна, бидејќи одлуката ќе се темели на спротивставени тврдења, зборот на Винисиус наспроти зборот на Престијани.

Винисиус за скандалот во Лисабон: Толку е слаб што мораше дресот да го стави преку уста

Се огласи Престијани: Винисиус погрешно ме разбра

Мбапе бесен: „Фудбалерот со број 25, пет пати го нарече Винисус мајмун“

Мурињо влегол во жестока расправија со судијата: Имаше список со фудбалери кои не треба да добијат жолт картон