Фудбалерот НА Бенфика, Џанлукан Престијани, се огласи на социјалните мрежи по обвинувањата дека расистички го навредил Винисиус на натпреварот од Лигата на шампионите против Реал Мадрид. Инцидентот се случи на натпревар во кој Реал Мадрид победи со 1-0 со гол токму на бразилскиот напаѓач во 50. минута. Аргентинскиот фудбалер објави фотографија со Винисиус и се обиде да ја објасни ситуацијата откако беше критикуван за наводна навреда на бразилската ѕвезда.

„Сакам да разјаснам дека во ниту еден момент не го навредив расистички Винисиус, кој за жал погрешно го протолкува она што мислеше дека го слушнал. Никогаш не сум бил расист и жал ми е за заканите што ги добив од играчите на Реал Мадрид“, напиша Престијани на Инстаграм.