Човештвото нема да може целосно да излезе на крај со пандемијата на коронавирусот ова лето, а веќе во ноември можен е нов бран заболувања, иако тој нема да биде толку сериозен, пишува порталот „Huankajo“ повикувајќи се на зборовите на шефот на инфективното одделение во шангајската болница „Хуашан“ и експерт за лекување на Ковид-19, Џан Венгхун.

„После ноември се среќаваме со сериозен предизвик, затоа што сметам дека следниот бран од епидемијата може да се случи отприлика во ноември“, изјави експертот.

Експертот за лекување на Ковид-19 рече и дека болеста почнала да се јавува во земјите од Јужна Америка, Африка и Југоисточна Азија, поради што, според постоечкиот математички модел, ова лето нема да можеме целосно да се ослободиме од вирусот, а кога ќе дојде зимата – повторно сите ќе седиме дома.

Во врска со тоа, Венгхун истакна дека, благодарение на искуството што многу земји го стекнаа за време на моменталниот епидемиолошки бран, посебно во областа на дијагностиката, следниот бран од епидемијата нема да биде толку опасен.

„Меѓутоа, земјите кои немаат доволно медицински ресурси, веројатно ќе им биде тешко да ја преживеат следната зима, а меѓу нив се и Африка и Јужна Америка“, оцени експертот.

Според неговите зборови, контролата над епидемиолошката ситуација во светот не зависи од Кина, САД или Европа – туку од тоа како со епидемијата можат да се носат токму земјите кои се најмалку способни да ја контролираат.

Ширум светот од новиот коронавирус заболеа 1.853.505 лица, починаа над 114.000, а оздравеа повеќе од 423.000 луѓе.

ПРОЧИТАЈТЕ:

Лабораториска грешка или контроверзна прехрамбена навика? Што се крие зад теоријата на 
Трамп околу вмешаноста на Кина и коронавирусот?

Исповед на докторката од Вухан која го откри коронавирусот: Се започна откако во 
болницата дојде едно семејство (ВИДЕО)

Научници влегоа во трага на коронавирусот: Не потекнува од Вухан, ниту од лабораторијата