КИЈАНУ РИВС и КЕРИ ЕН МОС се враќаат во четвртиот дел од „Матрикс“
Четвртиот дел од „Матрикс“ официјално е потврден и во актерската екипа се враќаат Кијану Ривс и Кери Ен Мос, како Нео и Тринити, ликови од оригиналната трилогија.
Сценариото и режијата се повторно на Лана Ваховски. Продукцијата ќе ја работи Ворнер Брос, а до идејата за ново продолжение дошле откако работеле на четвртиот дел на „Приказна за играчките“, односно третиот за „Џон Вик“.
Оригиналната трилогија на „Матрикс“ заработи вкупно 1,6 милијарди долари на светско ниво. Се шпекулира дека во улогата на Морфеус повторно ќе се појави Лоренс Фишбурн, но за ова нема официјална потврда.
Лили Ваховски, која беше дел од оригиналната франшиза, јавно даде поддршка за новиот дел и кажала дека ќе го гледа, но дека се иззема од учество во режирањето и продукцијата.