Поминаа три месеци од смртта на Диего Армандо Марадона (26. номеври), а дури сега полека но сигурно почнуваат да се појавуваат детали од неговиот живот кои покажуваат дека имало пропусти во работата на луѓето кои беа одговорни за неговото здравје.

Неговите ќерки Џанина и Јана сведочеа пред обвинителите кои водат истрага за несовесното лечење кое доведе до смрт на легендарниот фудбалер.
Според зборовите на адвокатот, Родолфо Баке, кој е бранител на медицинската сестра Дајана Мадрид, ќерките на Диего на обвинителите им изјавиле дека го виделе неговиот татко како конзумира алкохол и пуши марихуана пред да оди на операција на мозокот која се случи на 2. ноември.
– Обвинителите ги прашаа дали Диего користел опијати и тие рекоа дека го виделе како пуши марихуана со Карлос Ибањез ( обвинителите веруваат дека тој му набавувал марихуана на Марадона, а истрагата утврдила дека тоа тоа му бил лажен идентитет) и дека можат да потвдат на основ на мирисот кој го почувствувале. Запрашани се дали го виделе пијан и тоа во присуство на неврохирургот Леополд Луке и психијатарот Агустина Косачов и тие објаснија дека веруваат оти тоа е вистина. И двете потврдија дека Косачов му дала одредени пилули на Марадона и дека не знаат како се викаат тие, но им било објаснето дека со нив ќе се спречи Диего да продолжи да конзумира алкохол бидејќи ќе предизвикаат реакција на секој обид да се напие. Сите кои се грижеа за неговото здравје, наводно знаеле дека Диего пред операцијата на мозокот конзумирал алкохол и дрога – изјави адвокатот Баке.

Истрагата за смртта на Диего Марадона се води за човекот кој беше на чело на тимот на медициски лица кои се грижеа за фудбалерот во неговиот дом, Маријано Перони, лекарката која му препиша домашно лекување во операцијата Ненси Форлини, неврохирургот Леополд Луке, психијатарот Агустина Косачов, нејзиниот колега Карлос Дијаз, медицинската сестра Дајана Мадрид и медицискиот брат Рикардо Омар Алмирон.