Фудбалскиот репрезентативец на Босна и Херцеговина, Керим Алајбеговиќ (18), потпиша договор со германскиот клуб Баер Леверкузен.

Овој договор дојде само еден ден откако со националниот тим стигна до финалето од плејофот за пласман на Светското првенство 2026, по победата во Кардиф над Велс.

Велшаните беа во водство од 51. минута, а Босанците израмнија во самиот финиш (86`) преку Един Џеко по асистенцијата на Алајбеговиќ. Во пенал серијата БиХ славеше со 4:2, а решавачкиот удар од белата точка го имаше токму Алајбеговиќ кој беше прецизен и го донесе триумфот.

Така, Алајбеговиќ се враќа во редовите на „фармацевтите“, претходно беше испратен на позајмица во австриски Салцбург, но по само една година повторно се враќа во бундеслигашот.

„Добре дојде назад, Керим! Алајбеговиќ се враќа во Баер 04 по една година во Салцбург. Тој потпиша петгодишен договор“, објави германскиот клуб.

Офанзивниот играч од средниот ред игра одлично во Салцбург оваа сезона, и веќе има учинок од 11 гола и три асистенции.

Welcome back, Kerim! 🤝

Alajbegović rejoins Bayer 04 after one year in Salzburg. He has signed a contract for 5 years in Leverkusen. ✍️ pic.twitter.com/96tih3N7MI

— Bayer 04 Leverkusen (@bayer04_en) March 27, 2026