Познатата актерка се појави на промоцијата на колекцијата чевли која ја креира во соработка со компанијата „Маноло Бланик“

Популарната американска актерка Сара Џесика Паркер (55), која се прослави со улогата на Кери Бредшо во една од најгледаните серии ширум светот „Сексот и градот“, беше фотографирана во срцето на Њујорк, Менхетен, каде ја претстави есенската колекција „SJP“ (Сара Џесика Паркер).

Имено, актерката изгледаше многу среќно што оваа колекција ја дочека својата промоција и беше многу посветена додека им ја презентираше на присутните гости и новинари. Секој знае дека чевлите биле нејзина страст уште од улогата на Кери Бредшо, а и во приватниот живот Сара е верен поддржувач на модата.

– Изгледа лудо, но мислам дека луѓето го очекуваа тоа од мене, особено поради Кери Бредшо. Ова се комбинации на бои ретко се наоѓаат, но се смели и убави чевли што ќе посакате да ги имате во вашиот плакар, рече Сара Џесика Паркер во изјавата за магазинот „Вог“ во 2015 година, кога ја објави својата прва колекција чевли.

Колекцијата е надополнета со колекција на чанти и палта, а на актерката при креирањето и Џорџ Малкемус, сопственикот на компанијата „Маноло Бланик“.

По тој повод, таа носеше сива јакна со светки, светли фармерки и кратки чизми до глуждот со ист дизајн како и јакната. Под јакната, таа носеше едноставна блуза со нежно сиви линии, која пак совршено одговараше со заштитната маска што Сара ја носеше на лицето.

На некој начин сè беше совршено вклопено, а во оваа комбинација на облека Сара изгледаше удобно и младешки.