Договорот за запирање на војната во Украина е „навистина блиску“, изјави денеска специјалниот претставник на САД за Украина, Кит Келог, кој сепак додаде дека постигнувањето конечен договор зависи од решавањето на две клучни нерешени точки: статусот на регионот Донбас и нуклеарната централа „Запорожје“, пренесе „Ројтерс“.

Келог, кој во јануари ја напушта функцијата, посочи дека напорите за мир се во „последните 10 метри“, кои, како што потенцира, секогаш се најтешки. Тој нагласи дека двете отворени прашања се однесуваат на територијалниот статус на Донбас и иднината на нуклеарната централа Запорожје, најголемата во Европа, која моментално е под руска контрола.
„Ако ги решиме овие две прашања, мислам дека и останатите работи ќе бидат решени доста добро“, рече Келог.

Според првичните американски предлози, централата Запорожје би се рестартирала под надзор на МААЕ, а произведената електрична енергија би се делела подеднакво меѓу Русија и Украина.

ВИДЕО | Трамп: Владимир Путин сака мир