Ќатип Османи не е повеќе тренер на Шкендија
Неодамна газдата Дестани најави итни промени поради лошите резултати кои никако да прекинат, во последното лигашко коло во саботата, тетовските „црвено-црни“ загубија и од новиот прволигаш Борец.
Работната група која го презема управувањето со ФК Шкендија, одлуката е последица на последните слаби резултати на клубот не само на домашно, туку и на европско натпреварување летово.
На табелата во Првата лига по првите четири кола неочекувано шампионот е на последното 10 место со само еден освоен бод и само еден постигнат гол. Османи после тие европски елиминации истакнуваше дека реализацијата потфрли и се надеваше дека таа ќе се поправи, но тоа барем досега не се случува во новата сезона.
– Сите во ФК Шкендија му се заблагодаруваат на Ќатип Османи за неговиот придонес во постигнувањето на историските резултати во изминатите години, посакувајќи му се најдобро во иднина – се вели во соопштението на клубот.
До именувањето на новиот шеф на стручниот штаб, како вршител на должност привремен тренер е назначен Ерхан Селими.