Каратистот Белистојаноски се закити со злато и сребро на „Гранд при Словачка“
Македонскиот каратист Матеј Белистојаноски („Спорт 94“ – Прилеп) оствари одлични резултати на меѓународниот „Гранд при Словачка“.
Нашиот натпреварувач успеа да освои златен медал во У-21 во категоријата -60 кг. Тој стигна до првото место по победата над Полјакот Бартош Војчеховски со резултат 1:0.
На патот до големото финале претходно славеше и против Доминик Свиталски од Полска (3:0), Глб Ломоватски од Унгарија (3:2) и Марсело Шабо од Унгарија (3:2). Резултати од категоријата ТУКА
Исто така Белистојаноски стигна и до сребро во јуниорска конкуренција во категоријата -55 кг. Во завршната битка загуби од Полјакот Камил Милски со 2:0.
Претходно оствари победи против Балша Војиновиќ од Црна Гора со 1:0, потоа против 2:0 против Адам Хемил од Шкотска, убедливо со 7:0 го елиминираше Велин Иванов од Бугарија. Резултати од категоријата ТУКА
Најуспешна земја на овој настан е домаќинот Словачка со 19 златни медали, пред Унгарија со 12 и Чешка со 10. Следуваат Словенија и Австрија по седум златни медали, Летонија шест, по пет Полска и Хрватска…Целосниот ранкинг ТУКА