Хрватскиот репрезентативец Игор Карачиќ денеска потпиша нов тригодишен договор со полскиот Келце со што стави крај на шпекулациите за негово евентуално враќање во Вардар за кого настапуваше од 2012 до 2019 година.

Во изминатиот период се шпекулираше дека преговорите со Келце не одат во посакуваната насока и постои можност Карачиќ повторно да го облече дресот на Вардар со кого освои две титули во Лигата на шампионите. Но, денеска Карачиќ со ставањето параф на новиот тригодишен договор ги разреши сите дилеми околу неговата иднина.

– Можам само да кажам дека сум среќен што успеавме да се договориме со Келце и што ќе ја продолжам мојата кариера тука. Со сопругата се чувствуваме одлично овде и имаме сè што ни е потребно. Клубот е на највисоко можно ниво и нашите амбиции постојано растат. Во овој проект веќе е многу вложено и се надевам дека ние, играчите предводени од нашиот тренер ќе успееме да ги реализираме сите планови. Верувам дека нема да останеме без успеси и ќе ги израдуваме и нашите навивачи – изјави Карачиќ по потпишувањето на новиот договор со полскиот тим.

🗨️ “Jestem szczęśliwy w Kielcach.”

Igor Karačić zostaje z nami!
👉 https://t.co/HwW8Xpj5jO#gramyRAZEM #dawajDAWAJ pic.twitter.com/K5z2rwfPAx

— Łomża Vive Kielce (@kielcehandball) December 16, 2021