Карачиќ за одлуката на македонските судии во финалето на ЕП (ВИДЕО)
Хрватскиот репрезентативец и поранешен играч на Вардар призна дека направил грешка и правилна била одлуката на Начевски и Николов.
Годинава на Европското првенство репрезентацијата на Шпанија ја освои титулата откако во големото финале во Стокхолм ја совлада Хрватска со 22:20.
Тоа финале го судеше најдобрата македонска двојка Ѓорѓи Начевски и Славе Николов кои се најдоа на „удар“ кај Хрватите веднаш после завршувањето на завршниот дуел за златото.
Во самиот финиш од средбата Хрватите имаа напад за израмнување, топката ја имаше поранешниот Вардарец Игор Карачиќ кој според нашите судии направи чекори.
Siempre es buen momento para recordar cuando Igor Karacic decidió hacer el Camino de Santiago durante una final de un Europeo. pic.twitter.com/Pbphi3wavO
— Edu Agulló Canosa (@Eduagullo) January 27, 2020
Хрватските репрезентативци во тој момент знаеја колку е клучен нападот, и не можеа да поверуваат во одлуката на Николов и Начевски. После тоа финале и селекторот на „коцкастите“, Лино Червар изјави дека неговата селекција беше оштетена од Македонците.
Неколку месеци подоцна еден од организаторите на играта, Карачиќ во интервјуто за „Балкан-Хендбол“ призна дека сепак македонските судии имаа правилна одлука.
– Им симнувам капа за тоа што досудија, сосема е исправно. Се случи грешка, ние скапо ја плативме – се зборовите на Карачиќ.