Капацитетот на новата трибина на стадионот „Билјанини Извори“ е 1480 седишта
Како што информира Градоначалникот на Општина Охрид, Константин Георгиески, заедно со претседателот на Фудбалската федерација на Македонија, Муамед Сејдини денеска е направен увид на завршните градежни активностити за изградба на новата трибина на Градскиот стадион „Билјанини Извори“.
– Ова е заедничка инвестиција на Општина Охрид и ФФМ во вредност од 1 милион евра и истата е една голема придобивка за нашиот град, за развојот на спортот и обезбедување на посовремени услови за развој на спортски туриза – вели Георгиески.
Капацитетот на новата трибина е 1480 седишта. Во нејзиниот централен дел е изведена вип ложа, коментаторска кабина и простор за камери.
Согласно проектот, изведени се и сите внатрешни простории, кои се предвидени за вакви современи спортски објекти.
Како што е најавено и на веб страната на УЕФА, токму на овој терен на 7 септември во рамките од квалификациите за ЕП, македонската У21 млада репрезентација ќе ја пречека Србија со почеток од 16.00 часот.