Кампацо донел одлука: Од Белград се сели во Мадрид?
Кошаркарот на Црвена Звезда, Факундо Кампацо би требало кариерата да ја продолжи во Реал Мадрид, објави шпанска „Марка“.
Веќе неколку недели наназад се најавува каде Кампацо би можел да ја продолжи кариерата, а решението би требал ода биде донесено во наредните денови. Според информациите на шпанскиот новинар Карлос Сантос кој работи за „Марка“ работата е завршена и во наредните неколку дена би можеле да добиеме и потврда.
Кампацо го носеше дресот на Реал Мадрид од 2014-та до 2020-та година пред да се пресели во НБА лигата и да помине две години Денвер, а потоа како кошаркар на Далас да добие отказ.
Во декември 2022 година се врати во Европа и потпиша договор со Црвена Звезда со која ја освои титулата шампион на Србија и купот „Радивоје Корач“. Со Реал Мадрид двапати беше шампион на Европа (2015 и 2020 година).