Како Серхио Рамос дојде до бројката од 100 гола за Реал Мадрид
Голем удел во неверојатното постигнување на капитенот на „кралевите“ има и Кристијано Роналдо.
Серхио Рамос во победата на неговиот тим од 3:2 над Интер во третото коло од Лигата на шампионите, дојде до голем јубилеј, го постигна 100. гол во дресот на реал Мадрид.
Ова е неверојатно постигнување за Рамос бидејќи тој не е напаѓач или играч од средниот ред, туку еден од најдобрите дефанзивци на светот и целата кариера ја помина играјќи во одбраната. Како и голем број дефанзивци, Рамос најголем дел од головите ги постигна по прекини, посебно од корнерите, а 21. гол даде од пенал бидејќи во последните четири сезони тој е изведувач на ударите од белата точка.
Серхио Рамос во Реал Мадрид пристигна во 2005 година од Севиља и оттогаш во „кралскиот“ дрес одигра 659 натпревари. Изминатиот викенд дојде до бројката од 500. настапи во Ла Лига и стана 10. играч во историјата на шпанската лига со вакво постигнување.
Првиот гол за Реал Мадрид го постигна на 6. декември 2005 година против Олимпијакос во Лигата на шампионите, очекувано со глава по уфрлување на топката од слободен удар.
Рамос голгетерски експлодира по заминувањето на Кристијано Роналдо во Јувентус во 2018 година бидејќи ја презеде улогата на изведувач на пеналите. Во првата сезона без Роналдо во тимот, Рамос даде 11 гола, додека во втората 13, од кои седум се од пенал.
?️ 659 games in 16 seasons
? 100 goals (55 headers)
? 4 Champions Leagues
? 5 La Liga
? 2 Copa Del Rey
? 3 Super Cups
? 4 World Club Cups? Sergio Ramos reached a century of goals in his sparkling Real Madrid career tonight pic.twitter.com/dCgN0u5H5d
— Sporting Life Football (@SportingLifeFC) November 3, 2020
Во дресот на Реал Мадрид постигна по најмалку еден гол на сите шест натпреварувања на кои играл, Ла Лига, кралскиот куп, Лигата на Шампионите, шпанскиот и европскиот суперкуп и Светското клупско првенство.
– Индивидуалните рекорди се во втор план, но убаво е кога луѓето ги препознаваат успесите но и жртвувањата кои ги имав сите овие години. Стотиот гол не се постигнува секој ден, посебно кога сте дефанзивец. Се додека моите голови помагаат да победуваме, јас сум среќен и се надевам дека ќе имам уште повеќе – изјаву Рамос.
Головите и одличните настапи му донесоа грст трофеи, за 15. години колку што го носи дресот на Реал Мадрид, Серхио Рамос освои 22 трофеи, четири во ЛШ, пет во Ла Лига, два кралски куипа, четири шпански и три европски суперкупа и четири пати триумфира нна Светското клупско првенство.