Кадетките го освоија последното 16 место на Европското ракометно првенство во Црна Гора
Во својот последен натпревар на Европското првенство во Црна Гора, македонската женска кадетска ракометна репрезентација загуби од Исланд со 25:34.
За нашата селекција најефикасна беше Ива Младеновска со шест голови, по четири имаа Михаела Кралева и Леона Миленкоска.
Избраничките на селекторот Кристијан Грчевски го освоија последното 16 место на континенталниот собир.
Во сите натпревари на ЕП македонските ракометни надежи беа поразени, во прелиминарната фаза беа совладани од Романија (27:40), Унгарија (17:46) и Франција (15:31).
Потоа, во разигрувањето за пласман од деветтото до 16 место загубија од Норвешка (21:32) и Португалија (13:36), а во последните два меча во разигрувањето за пласман од 13 до 16 позиција од Швајцарија (31:32) и денеска од Исланд (25:34).