Кадетите наградени со 700.000 денари за освојувањето на ЕХФ шампионатот во Рига
Кадетската машка репрезентација на Македонија беше победник на ЕХФ шампионатот за играчи до 18 години во Рига, Летонија.
Избраниците на селекторот Раде Стојановиќ од пет натпревари забележаа пет победи, во финалето ја совладаа Швајцарија со 24:22.
Освоеното прво место на шампионатот им донее директен пласман на младинското Европско првенство во 2024 и кадетското Светско првенство во 2023 година.
Кадетите, заедно со членовите и стручниот штаб за тој голем успех од Ракометната федерација на Македонија (РФМ) добија парична награда од 700.000 илјади денари.
Предлогот на претседателот на РФМ Живко Мукаетов беше усвоен од Управниот одбор на Ракометната федерација на Македонија за доделување на паричната награда.
Воедно беше усвоен предлогот истакниот ракометен соработник Драган Начевски да биде предложен за добитник на државната награда „8 Септември“ за животно дело и исклучителен придонес во спортот.