Јувентус на лето продава дури десет фудбалери?
Челниците на „старата дама“ мора да ги намали трошоците поради финанскита криза која е неизбежна за сите екипи, а во план е и подмладувањето на тимот.
Акциите на Јувентус се преполовија поради пандемијата на коронавирусот, но дел од вината лежи и во Кристијано Роналдо. Токму неговата плата која изнесува 30 милиони евра нето, претставува голем товар за управата и токму тој прв ќе си замине од тимот.
Пред неколку дена проструи информација дека Роналдо дефинитивно заминува и ќе премине во ПСЖ кој е подготвен да плати обесштетување и да му ја даде истата плата.
Португалецот се плаши доколку се донесе одлука за намалуваше на платите, дека токму тој највеќе ќе загуби, околу 10 милиони евра и поради тоа планира да го напушти Јувентус.
Уште еден фудбалер кој сигурно ќе биде продаден е Миралем Пјаниќ за кого постои голем интерес од неколку англиски екипи, но и од ПСЖ.
Челси и Манчестер сити се подготвени да платат околу 50 милиони евра, таа сума не претставува проблем и за францускиот тим.
Јувентус и тренерот Маурицио Сари го прецртаа и двоецот од средниот ред, Даглас Кошта и Федерико Бернадески. Кошта откако пристигна од Баерн Минхен повеќе е повреден отколку што игра, додека Бернадески е вистинско разочарување. Доколку пристигне вистинска понуда ќе биде продаден и Тонали.
Само 11 фудбалери се сигурни за следната сезона и управата нема намера да ги разгледува понудите доколку пристигнат за нив.
Тоа се Буфон, Кјелини, Бонучи, Де Лихт, Демирал, Квадрадо, Дибала, Ремзи, Алекс Сандро голманот Шчешни и Кулушевски кој треба да се приклучи на екипата од следната сезона.