После заминувањето на Андреа Пирло, клубот од Торино веднаш го промовираше наследникот, тоа е Масимилијано Алегри кој повторно ќе ја води „Старата дама“.

Јувентус веднаш се потсети на славните моменти остварени токму со Алегри, пет титули во Серија А, четири во Купот на Италија, двапати во Суперкупот на Италија, и двапати беше финалист во Лигата на шампионите.

Не се објавени детали од договорот, но според новинарот Фабрицио Романо, соработката ќе трае до 2025 година, со годишна плата од околу девет милиони евра.

Алегри претходно беше и на клупата на Милан со кој успеа да освои по еден трофеј во Серија и италијанскиот Суперкуп.

Во изминатиот период се поврзуваше и со клупата на шпанскиот гигант Реал Мадрид кој се раздели со францускиот стратег Зинедин Зидан.

Официјално: Пирло не ги оправда очекувањата, го напушти Јувентус!