Во изминатиот период се најавуваше доаѓањето на одбранбениот играч, Ван Бисака потпиша договор на четири години со можност истиот да биде продолжен на уште една.

Сите неофицијални канали потврдија договор помеѓу двата тима во вредност од 45 милиони фунти и уште пет во форма на бонуси, со неделна заработка од 80.000 илјади фунти.

It's official — @AWBissaka is a Red ? #MUFC

— Manchester United (@ManUtd) June 29, 2019

– Неверојатно е чувството и честа да се наречам играч на Манчестер јунајтед и нешто што знам дека само мал број на играчи имаат привилегија да кажат. Едвај чекам да им се придружам на моите нови тимски колеги. Сега ќе имам кратка пауза после Европското првенство. Со нетрпение чекам да тренирам со менаџерот во рамките од предсезоната – вели Ван Бисака.

Ова е второто летно засилување за „црвените ѓаволи“, претходно беше ангажиран велшкиот репрезентативец Даниел Џејмс од екипата на Свонси.

Медиумите на Островот шпекулираат дека наредна трансферна цел на менаџерот Оле Гунар Солскјер е Бруно Фернандеш од Спортинг Лисабон.