Југословенски рецепт за кох, колач кој го обожаваше цела Југославија
Кох е старински деликатес, кој се прави од евтини намирници. Југословенските домаќинки често го подготвуваа бидејќи веќе ги имаа сите потребни состојки во фрижидерот. Некогаш беше популарен исто и како палачинките, но во денешно време луѓето сѐ помалку го подготвуваат. Ако сè уште не сте го пробале, тогаш задолжително направете кох натопен во млеко и дознајте зошто цела Југославија го обожавала овој едноставен колач.
Состојки:
– 7 јајца
– 7 лажици брашно
– 7 лажици гриз
– 7 лажици шеќер
– 1 ќесичка ванилин шеќер
– прстофат сол
– околу 1 л млеко
Подготовка:
Одделете ги белките и жолчките. Изматете ги пенесто жолчката со шеќерот и ванилиниот шеќер, па додадете гриз и просеано брашно. Соединете со миксер. Изматете ги белките со прстофат сол додека не се стегнат, па полека додавајте во жолчките и соединете со жица за матење.
Сипете во плех и печете на 180 степени додека не порумени. Извадете го и прелијте го со млеко врелиот кох. Изладете го на собна температура и за млекото убаво да се впие.
Напомена: Немојте веднаш да го сипате целиот литар млеко, туку половина, па кога ќе се впие, видете дали треба да се додава. Колачот треба малку да плива во млекото.
