Јовиќ по поразот од Загреб: Немавме решение за последните 15 минути
Maкедонскиот шампион Еурофарм Пелистер го запиша и петтиот пораз сезонава во исто толку натпревари во Лигата на шампионите.
Пелистерци 45 минути му парираа на Загреб, а потоа следуваше голем пад во играта на битолскиот состав, па Загреб славеше победа со 28:17. По натпреварот овој период го потенцираше и тренерот Александар Јовиќ.
„Одигравме добри 45 минути, а потоа влеговме во една фаза во која немавме решение ниту во нападот ниту во одбраната. Истото ни се случуваше и на претходните натпревари и затоа мора да работиме повеќе на тоа, за да не ни се повторува и во иднина и за да можеме да победиме екипи во Лигата на шампионите. Честитки за противникот за победа“, изјави Јовиќ.
На прес-конференцијата присуствуваше и ракометарот Петар Атанасијевиќ.
„Во ваков натпревар треба да си фокусиран 60 минути. Ние не го издржавме истото темпо во сите 60 минути. Мислам дека двете екипи дадоа одлична партија, а на крај искуството на противникот пресуди“, изјави младиот Атанасијевиќ.
Следен предизвик за Еурофарм Пелистер во ракометната елита ќе биде натпреварот против Киелце кој се игра за шест дена.