Членот на македонската женска сениорска ракометна репрезентација, Јована Кипријановска ја продолжува својата кариера во редовите на Таурон Рух Калиш од Полска.

Десниот бек ги помина сите младински селекции, дебитираше во сениорскиот дрес во 2019 година, и беше дел од европските првенства во 2022 и 2024 година.

Во сезоната 2023/24 со Самбр Авенуа го освои првото место во француската втора лига и обезбеди пласман во елитата. Нејзин последен клуб беше Сомбатељ од Унгарија.

– Многу сум среќна што сум дел од Таурон. Уште од првиот ден чувствувам голема поддршка и позитивна енергија од клубот и тимот. Верувам дека имаме голем потенцијал и заедно можеме да победиме на многу натпревари. Калиш е место каде што сакам понатаму да се развивам, да ги искористам моите можности и да му помогнам на тимот да ги постигне своите спортски цели – вели Кипријановска.