Феноменот Александра Пријовиќ е главна тема во регионот последните денови. Фактот што успеа да распродаде дури пет концерти во Загреб привлече големо внимание и кај фановите и кај познатите личности. Сега и Јосипа Лисац се огласи на оваа тема.

„Зошто да немаме свој избор?“, одговорила таа на новинарското прашање за музичките гости во Хрватска.

„И јас имам полни и распродадени концерти, и други имаат и полни и распродадени концерти, нема тука простор за љубомора. Не сакам да кажам ништо против тоа“, потенцирала музичката дива.

“Особено ако има уште луѓе кои платиле билети, па тоа е фантастично. Бидејќи знам за некои концерти за кои се поделени половина билети. Има ли правда? Не знам. Но, ако сте подготвени за концерт и можете да го распродадете, одлично! Нема што да се каже. Зборовите овде звучат глупаво. Кога ќе направите репортажа од концертот, можете да видите сè”, заклучила таа.

Александра Пријовиќ го одржа својот петти концерт во Арена Загреб и стана апсолутна рекордерка. На петтиот концерт, како и на претходните, се собраа илјадници нејзини фанови.
Билетите за првите три концерти се продадени за 24 часа, додека за четвртиот нешто повеќе од 48 часа. И петтиот концерт бил распродаден за само неколку дена.