САД сакаат да распоредат американски маринци на јапонскиот остров Окинава до 2026 година, вооружувајќи ги со проектили и лесно оружје за потенцијално да ја одвратат кинеската војска и сакаат да разговараат за тој план со Јапонија во среда во Вашингтон, објави денеска Јомиури.

Весникот наведува дека САД веќе ја информирале Јапонија за планот, кој официјално ќе го објави по средбата на јапонските министри за одбрана и надворешни работи со нивните американски колеги во среда во Вашингтон.

Засега нема потврда од претставници на јапонското Министерство за одбрана.

Според извор од Министерството, Јапонија и САД „ќе разговараат за прашања поврзани со распоредувањето на американските сили во Јапонија”