Екипата на Охрид, која има сè поголеми амбиции, еден ден по победата над Пелистер во Битола претстави големо засилување.

Имено, нов член на „гладијаторите“ е Јапонецот Косуке Јасухира. Поранешниот ракометар на Вардар пристигнува на позајмица до крајот на сезоната од редовите на Бурган од Кувајт.

Самиот Јасихура изрази задоволство што повторно ќе има прилика да настапува во Македонија.

„Пресреќен сум што се враќам во Македонија, во тимот има добри мои пријатели од Вардар, едвај чекам да заиграм за Охрид утре против Тиквеш, па потоа да можам да им помогнам на моите соиграчи за поуспешна сезона. Среќен сум за ваквиот пречек од нашите навивачи, тоа ми дава уште поголема мотивација“, изјави Косуке.