Јанис Андетокумбо сонува да биде тренер во НБА откако ќе ја заврши играчката кариера
Јанис Андетокумбо, веќе размислува за животот по кошарката и откри неколку можни патишта по завршувањето на својата богата играчка кариера.
Препорачано
-
1
-
2
-
3
За време на гостувањето на „Twitch“ кај стримерот Неон, грчкиот кошаркар зборуваше за тоа што би сакал да прави откако ќе се повлече од професионалниот спорт.
„Мислам дека ќе бидам таткото кој останува дома, или ќе станам тренер. Сакам да бидам тренер во НБА“, изјави Андетокумбо.
Giannis says he wants to become an NBA coach after retirement.
Neon: “If you could coach any team right now, what team would you want to coach?”
Giannis: “The New York Knicks.”
(h/t @yoxics) pic.twitter.com/hwU83yg6ua
— Legion Hoops (@LegionHoops) July 8, 2026
На прашањето кој тим би сакал да го води доколку сега стане тренер, Јанис го избра Њујорк Никс. Гркот нагласи дека Никс се најдобриот тим во НБА по освојувањето на шампионската титула.
„Или едноставно ќе бидам инвеститор, ќе вложувам во различни работи и ќе заработувам пари“, додаде грчкиот кошаркар.
Андетокумбо зад себе има одлична кариера во НБА, со две МВП награди, титула во НБА и признание за МВП на финалето во 2021 година.
Јанис го избра бројот 7 во Мајами
Се чини дека по трансферот во Мајами Хит, Јанис Адетокунбо ќе ја „остави“ својата легендарна „34“ во Милвоки.
За време на споменатиот пренос на „Twitch“, Јанис навести дека ќе го промени на бројот на дресот, а стримерот Неон очигледно имал големо влијание врз неговата одлука да го избере бројот 7. Последниот играч кој го носеше бројот 7 во Мајами беше Кел’Ел Вејр. Пред него, дел од познатите кошаркари на Хит кои го носеле истиот број беа Горан Драгиќ (2015–2021) и Кајл Лаури (2022–2024).
GIANNIS WILL WEAR NO. 7 FOR THE MIAMI HEAT 🌴🔥 pic.twitter.com/nQJKncTtCS
— NBA on ESPN (@ESPNNBA) July 7, 2026
Преселбата на Јанис во Мајами дојде како дел од една од најголемите размени во НБА во последните години. Според информациите на „NBA.com“, во замена за Андетокумбо и Боби Портис Џуниор, Милвоки Бакс доби пакет составен од Тајлер Хиро, Кел’Ел Вејр, Џејми Џакез Џуниор, Каспарас Јакучионис, 13-тиот пик на драфтот во 2026 година (со кој беше избран Нејт Амент), право на замена на пик од првата рунда во 2030 година, пикови од првата рунда во 2031 и 2033 година, како и пик од втората рунда во 2033 година.
Леброн се враќа во Кливленд? Еден потег на Кавалирс може да открие сè
