Можното заминување на Макс Струс од Кливленд Кавалирс би можело да биде јасен знак дека клубот подготвува голем потег за враќање на Леброн Џејмс.

Додека Леброн размислува за следната дестинација во кариерата, шпекулациите околу неговата иднина не стивнуваат.

Според инсајдерот на „ESPN“, Брајан Виндхорст, евентуалната размена на Струс би била силен показател дека Кливленд работи на враќање на најголемата ѕвезда во историјата на клубот.

„Ако видите дека Кавалирс ќе го разменат Макс Струс, тоа ќе знаете дека нешто се подготвува. Тоа ќе биде најдобриот знак дека има конкретни активности околу Леброн“, изјави Виндхорст.

If the Cavaliers trade Max Strus soon, that could be a strong indication LeBron James is coming back, per @WindhorstESPN.

Moving Strus would allow Cleveland to increase their offer for LeBron. pic.twitter.com/KDGE7dWofF

— Evan Sidery (@esidery) July 8, 2026

Во моментов, Кливленд може да му понуди договор вреден до шест милиони долари. Доколку таа сума не биде доволно привлечна за Џејмс, клубот би можел да го испрати Струс во друг тим за да ослободи дополнителен простор во буџетот и да му понуди подобар финансиски пакет.

Враќање таму каде што почна сè

Евентуалното враќање во Кливленд би имало огромно историско значење за Леброн.

Кавалирс го избраа како прв пик на драфтот во 2003 година. Тој веднаш стана заштитно лице на франшизата и во Кливленд ги мина првите седум сезони од својата кариера, пред во 2010 година да се пресели во Мајами Хит.

Во 2014 година повторно се врати во Кливленд, а две години подоцна го испиша најголемото поглавје во историјата на клубот. Предводени од Леброн, Кавалирс ја освоија шампионската титула во 2016 година, откако направија неверојатен пресврт од негатива 3-1 во финалната серија против Голден Стејт Вориорс.

Тоа и денес се смета за едно од најлегендарните достигнувања во историјата на НБА.

Леброн и понатаму игра на елитно ниво

Иако има 41 година, Џејмс и натаму е меѓу најдобрите кошаркари во лигата.

Во сезоната 2025/26 со Лос Анџелес Лејкерс бележеше просек од 20,9 поени, 6,1 скокови и 7,2 асистенции по натпревар, со одличен процент на шут од игра од 51,5 проценти.

Доколку повторно го облече дресот на Кливленд, тоа ќе биде негов трет мандат во клубот каде што ја започна својата професионална кариера, но и можност да ја заврши кошаркарската приказна таму каде што започна, пред своите навивачи и во својот роден крај.

Кајл Лаури се пензионира како играч на Торонто Репторс, потпиша договор на еден ден