Необична сцена, која сепак не е и неочекувана за Скопје, е забележана вечерва во населбата Аеродром — едно магаре без стопан одеше по булеварот „Трета македонска бригада“.

Во сталожен, но решителен кас, магарето храбро се движеше меѓу автомобилите (и пред нив), почитувајќи го ограничувањето на брзината и оставајќи впечаток дека добро знае каде оди.

Снимката, која на „Слободен печат“ му ја испрати читател, одлично ја илустрира длабочината на јазот меѓу замислената слика на Скопје како урбана метропола и неизбежната реалност на руралниот „шмек“ на главниот град.

ВИДЕО: Кози мирно брстат жива ограда на скопски булевар