Денеска во 20 коло од најсилното италијанско првенство кошаркарите на Тренто изненадувачки загубија на гостувањето кај Канту со 108:91.

По серијата три победи во низа, тимот на Тренто го претрпе 10 пораз сезонава, а Канту дојде до само петтиот триумф во шампионатот и е моментно на 14 место со 10 бодови.

Тренто е на седмото место со 18 бодови со добри шанси да се најде во четвртфиналниот плејоф. Во следното коло Јакимовски и неговите тимски колеги ќе играат на 7 март дома против Сасари.

Прв стрелец во редовите на Тренто на денешниот дуел беше македонскиот репрезентативец Андреј Јакимовски со 19 поени, седум скока и една асистенција за 27 минути игра на паркетот.

На спротивната страна за Канту доминираше Џордано Бортолани со 24 поени, четири скока и една асистенција за 30 минути игра.