Ако вашите први асоцијации за труење со храна се намирниците како јајца и млечни производи, ќе се изненадите од ова истражување. Студијата на „Консумер репортс“ (Consumer Reports) откри поради кои намирници треба да бидете повнимателни.

„Консумер репортс“ го следел повлекувањето и појавата на широко консумирана храна помеѓу 2017 и 2022 година, фокусирајќи се на таканаречената бактериска контаминација.

Така, тие откриле дека лиснатиот зеленчук е одговорен за најголем број смртни случаи. Според нивните согледувања, во периодот од 2017 до 2022 година, лиснатиот зеленчук предизвикал 614 болести. Како најверојатната причина за повлекување на лиснатиот зеленчук е контаминацијата со ешерихија коли и листерија.

Тие потврдиле дека водата што се користела за наводнување на полињата е загадена со ѓубриво. Затоа, лиснатиот зеленчук може да биде контаминиран со салмонела или листерија во погоните за преработка на храна.

Покрај лиснатиот зеленчук, „Консумер репортс“ наведува уште една листа на намирници со кои луѓето треба да бидат претпазливи, а тоа се: сирењето, сувомесните производи, меленото говедско месо, кромидот, пилешкото и мисиркиното месо, папајата, праската, дињата и брашното.