Јаде сарми, а изгледа како дечко на 72 години: Откриена тајната на младоликиот изглед на Здравко Чолиќ
Легендарниот пејач Здравко Чолиќ (72) освен што со децении импресионира со извонреден глас, воодушевува и со својот младешки изглед и неверојатна енергија на која би позавиделе многу помлади.
Генетиката секако игра важна улога, но Чолиќ со години е во топ форма и поради здравјето и поради работата. Неговите енергични изведби, со кои дури и неуморниот Мик Џегер тешко би се држел, бараат многу кондиција и во исто време го одржуваат во форма, пренесуваат српските медиуми.
Чолиќ неколкупати беше „уловен“ од фотографите како тренира на Кошутњак, прави стомачни вежби, потоа вежби за истегнување, а практикува и брзо одење.
Во мај минатата година, музичката легенда откри дека користи хипербарична комора што го прави да изгледа младолико и го зачувува здравјето на гласните жици. Чолиќ оди на медицински третман, на база на чист кислород. Кислородот се вдишува под притисок поголем од атмосферскиот. Доволен е краток престој за да се забележат ефектите.
Славниот пејач е љубител и на гурманската храна, што пред неколку месеци го потврди и готвачка во познат белградски ресторан во кој тој често оди:
„Секогаш нарачуваше домашно приготвени јадења кои беа на менито на ресторанот тој ден. Сакаше домашни лепчиња и лебови што ги месев. Често доаѓаше со семејството, па дури и телефонски нарачуваше храна и доаѓаше само да ја земе. Бидејќи беше ресторан со национална кујна, немаше модерни колачи, но направивме вистинска мрзлива пита, кремпити што ги правеа нашите баби, како и пити со ореви. Сето тоа многу го сакаше“, изјавила таа.
Чолиќ е познат како голем хедонист. Тој секогаш го почитува редот, од аперитив, мезе, главно јадење (најчесто риба), омилен пијалок, десерт и на крајот уште една чаша од омилениот пијалок.
Меѓутоа, Чолиќ секогаш знае каде е мерката. Доколку неколку дена по ред ужива во гурманска храна со пријателите, тој прави пауза за да тренира и да го освежи телото со природни пијалоци. Неговата детоксикација се свежо цедените сокови.
„Секој ден цеди пет килограми портокали и четири килограми цвекло. Вели дека тогаш се заморува и соковникот“, открил изворот.
Инаку, Чола сака и сарма, полнети пиперки, но и стек и зелена салата, кои често и самиот ги подготвува. Сака и специјалитети од Истра, односно медитеранска храна во која ужива кога е на одмор со семејството. Експертите често истакнуваат дека овој вид на исхрана е многу корисен за здравјето.
ВИДЕО | Ќе ве шокира кои песни ги одбил Здравко Чолиќ, некои од најголемите балкански хитови