Ја освои титулата во ЛШ, а сега ќе се врати во Интер (ФОТО)
И официјално доаѓа потврда од редовите на германскиот гигант Баерн Минхен дека Хрватот ја завршува позајмица од една година и ќе се врати во милански Интер со кој има договор до 2022 година.
Иван Перишиќ летово успеа да ја освои титулата во Лигата на шампионите со Баерн Минхен во чии бои запиша 35 настапи, со осум голови и 10 асистенции.
Спортскиот директор на баварската екипа, Хасан Салихамиџиќ истакна дека Перишиќ се однесуваше многу професионално во изминатата година.
Danke für alles, Ivan! ?
— CHAMPIONS OF EUROPE ? (@FCBayern) September 9, 2020
– Тој беше важен играч во Баерн и го одигра неговиот дел освојувајќи ја Бундеслигата, германскиот Куп и ЛШ. Му посакуваме се најдобро во иднина – вели Салихамиџиќ, поранешниот репрезентативец на БиХ.
И тренерот на минхенскиот состав, Ханс Флик му се заблагодари на хрватскиот интернационалец за перформансите и придонесот кои ги даде за клубот во освојувањето на тројна „круна“.
– Ние бевме многу среќни што соработувме со него. Можевме да ги видиме неговите квалитети, особено на завршниот турнир на ЛШ во Лисабон – се зборовите на стратегот на германскиот и европски првак, Флик.