Новак Ѓоковиќ ја започна 377 недела на врвот на АТП листата, израмнувајќи го рекордот на поранешната германска тенисерка Штефи Граф.

Веќе следниот понеделник српскиот тенисер ќе испише историја на тенисот кога ќе падне апсолутниот рекорд во двете конкуренции по бројот на поминати недели на првото место.

Граф со точно 377 недели беше на врвот на женската ВТА ранг листа. Ѓоковиќ за првпат беше првопласиран на АТП листата на 4 јули 2011 година, а еве, неполни 12 години, сè уште е на врвот.

Германката првпат се најде на тронот на најдобрите светски тенисерки на 17 август 1987 година и на таа позиција остана до 10 март 1991 година, а потоа на првата позиција беше Моника Селеш.

По турбулентната 2022 година, кога Ѓоковиќ поради тоа што не беше вакциниран против ковид-19 беше депортиран од Австралија, а потоа и не го доби правото да игра на турнири во САД, се врати на врвот на АТП листата со нова 10 јубилејна титула на „Австралија опен“.

👑 RECORD ÉGALÉ ! @DjokerNole débute aujourd'hui la 377ème semaine de sa carrière à la première place mondiale, égalant le record de Steffi Graf.

🇷🇸 Novak Djokovic – 377 semaines
🇩🇪 Steffi Graf – 377
🇨🇿/🇺🇸 Martin Navratilova – 332
🇺🇸 Serena Williams – 319
🇨🇭 Roger Federer – 310 pic.twitter.com/NrQEiT2Uhb

— Jeu, Set et Maths (@JeuSetMaths) February 20, 2023