Излегоа детали од книгата за Трамп: „Златен туш“, бивши љубовници и уцените на Путин

Бившиот адвокат и близок соработник на Доналд Трамп, Мајкл Коен (53) објави исечоци од својата книга за Трамп во која открива некои прилично скандалозни работи за американскиот претседател и тоа дека сведочел на „златен туш“, пишува Дејли Меил, а пренесува Јутарњи.хр.

Мемоарите на Коен се викаат „Нелојален“, а во нив тој открива дека Трамп има мафијашки менталитет.

„Покрај неговата жена и деца, јас го познавам Трамп подобро од било кој друг“, вели Коен и додава дека тој го поттикнал Трамп да се вклучи во претседателската трка во 2015 година.

– Сведочев каков човек е навистина, во стриптиз клубовите, за време на сомнителни бизнис средби, и во моменти на искреност, кога тој се откриваше каков е навистина: Лажго, измамник, насилник, расист, предатор, злоупотребувач на доверба, истакнува Коен за Трамп.

Во првиот дел од книгата, објавен на страницата DisloyalTheBook.com, Коен тврди дека Трамп „нема вистински пријатели“.

– Нема никој на кого доволно му верува за да му ги довери своите тајни. Десет години ме имаше мене, јас секогаш бев тука за него, а погледнете што ми се случи, вели Коен.

Прочитајте и...  Американските санкции ја чинат економијата на Иран 150 милијарди долари

Книгата содржи и признавања на Коен за некои негови дела заради кои и е осуден на три години затвор.

„Во негово име вршев притисок на градежници, уништував деловни партери, ја лажев Меланија за да ги скријам неговите афери и ги малтретирав и им вика на оние кои беа закана за неговиот раст.“

„Од златни тушеви во секс-клубови во Лас Вегас, даночни измами, преку договори со корумпирани функционери на бившиот Советски сојуз, па се до замолчување на бивши љубовници, јас не бев само сведок на делата  на претседателот, туку и нивни активен учесник“, вели Коен.

Покрај „златниот туш“ во Лас Вегас, Коен ги споменува и наводите содржани во таканаречените Досиеа Стил, односно Досиеа Трамп, кои вклучуваат и тврдење дека рускиот претседател Владимир Путин го уценувал Трамп уште од времето кога тој бил во Москва на изборот за Мис Универзум 2013 и кога наводно, гледал како проститутки уринираат на креветот, бидејќи таму претходно спиел Барак Обама.

Прочитајте и...  Заев: Порта Македонија не попречува пешачки, ниту моторен сообраќај

Коен вели дека Трамп навистина соработувал со Русите, но не на толку софистициран начин како што тоа го мислат неговите противници.

„Знам дека истрагата на Робер Мулер не беше лов на вештерки. Трамп измами на изборите со поддршка на Русија, бидејќи постојаното победување без разлика на цената е неговиот деловен и животен модел“.

Коен вели дека Трамп на Путин се претставувал како еден од неговите корумпирани олигархи милијардери.

„Тоа го знам бидејќи лично присуствував на разговорите и ги известував неговите деца за сите новости. Дури и како кандидат за претседател, тој ја лажеше американската јавност дека нема никаква врска со Русија“, вели Коен.

Коен вели и дека се плашел дека поддржувачите на Трамп ќе го убијат по сведочењето пред Конгресот и дека самиот Трамп сакал да го види мртов. Самиот Трамп, тврди Коен, секогаш се однесуваше како мафијашки шеф и знаеше да дојде до она што го сакаше.

Прочитајте и...  Земјотрес ја стресе Грција, почувствуван и во државава

„Претседателот ме нарече стаорец и твиташе за мене и мојата фамилија. Примив повеќе од стотина закани по живот преку меил и телефон, а кога Трамп рече дека би „можел да убие некого на Петата авенија и да се извлече со тоа“ мислеше на мене“.

Коен вели дека делови од книгата ги напишал во затвор сакајќи да го затвори тоа поглавје од својот живот. Но, исто така вели и дека е уверен дека и на самиот Трамп му следи затвор, нарекувајќи го тоа карма откако за време на претседателската кампања повика во затвор да биде ставена Хилари Клинтон.

Коен смета дека Трамп сака доживотно да остане претседател за да избегне затвор и додава дека Трамп „никогаш не се шегува“.

Прочитај повеќе

Кралот на Јордан го распушти Домот на пратеници и нареди да се одржат избори

Слободен печат

„Ако биде потребно ќе бидат повикани резервистите“: Што точно значи воена состојба?

Слободен печат

Лукашенко му возврати на Макрон: Тој требаше да даде оставка пред две години

Слободен печат

Кој е подготвен за судирот меѓу Азербејџан и Ерменија – Едната страна има драстично повеќе војници

Слободен печат

Макрон: Хезболах да разјасни дали е партија или милиција

Слободен печат

Помпео вечерва во посета на Грција, разговарал со Столтенберг за тензиите во источниот Медитеран

Слободен печат

Остави Коментар

Прочитај повеќе

„Света е наш претседател”: Повеќе од 100.000 демонстранти на улиците во Белорусија

Фамилија шеташе на островот Хвар, а набргу ги потопи бран (ВИДЕО)

Слободен печат

Во напад во Нигерија се убиени 18 луѓе, одговорноста ја презема Исламска држава

Слободен печат

Заев и Борисов телефонски разговараа за соработка меѓу двете земји

Слободен печат

Трамп: Бајден треба да се тестира за дрога пред дебатата

Слободен печат

Шахпаска: Родителите на децата до шест години и со продолжено породилно да се вратат на работа

Слободен печат