На силниот меѓународен маратон во Севиља, Шпанија, во конкуренција на светската елита, македонскиот атлетичар Дарио Ивановски уште еднаш ја потврди својата одлична форма и врвна подготвеност.

Со постигнатиот денешен резултат ја зацврстува својата позиција за пласман преку ранкинг на Европското првенство во Бирмингем, и уште сега е сигурен учесник на континенталниот собир.

Нашиот натпреварувач ја помина целта со време од 2:12:23 часа, што претставува трет најдобар резултат во неговата спортска кариера.

Во исклучително тешка и масовна конкуренција, тој го зазеде 38 место, покажувајќи неверојатна ментална и физичка сила во клучните моменти од трката.

Овој успех на Ивановски е само уште една потврда дека неговата посветеност и патот кон Олимписките игри во Лос Анџелес 2028 се правилно трасирани. Како стипендист на Македонскиот олимписки комитет, тој е пример за професионализам и мотив за сите млади и идни врвни македонски спортисти-Олимпијци. МОК продолжува да дава целосна поддршка во неговите подготовки и учество на врвни спортски настани, верувајќи дека најдоброто од Ивановски допрва претстои.