Иванковиќ: Задоволни сме од победата, еден месец се подготвувавме за мечот со Дукла Прага
ГРК Охрид ја совлада екипата на Дукла Прага 30:21 во првиот натпревар од 1/8 финалето од ЕХФ Европскиот Куп, што се одигра во саботата во салата “Билјанини извори”.
Ракометарите на Охрид диктираа ритам во текот на целиот меч и постојано го зголемуваа водството.
Препорачано
Во финишот домаќинот имаше и двоцифрена предност, но со серија голови чешкиот противник намали на „минус девет“.
Меѓу најефикасните во победата на македонскиот претставник беше хрватскиот бек Анте Иванковиќ кој постигна седум голови.
– Еден многу убав натпревар и за кој се подготвувавме еден месец, трениравме. Во последните две-три минути од натпреварот можевме да постигнеме уште два голови, за уште посигурна, повисока победа. Но, можам да кажам дека сме задоволни од овој меч – рече Иванковиќ по завршувањето на натпреварот.
Реваншот ќе се игра во Чешка на 21 февруари со почеток од 18.00 часот.
Охрид ја прегази Дукла и дојде на чекор од место во четвртфинале од ЕХФ Европскиот куп
