Ракометниот клуб и нов суперлигаш Мулти Есенс ја известува јавноста дека за нов прв тренер на екипата за претстојната сезона е назначен Иван Марковски.

Марковски е поранешен македонски репрезентативец со богато играчко резиме, во кое се запишани настапи за повеќе домашни и странски екипи.

Како професионален ракометар го носеше дресот на РК Пелистер, РК Металург, РК Вардар, РК Метковиќ, РК Загреб и РК Сарагоса.

Во својата тренерска кариера има водено екипи од Франција, Кина и од Катар, а беше тренер и на македонските тимови ХЈС Работник и РК Металург.

Мастер-коуч лиценца има од 2020 година, а помошник на Марковски ќе му биде тренерот Миле Бочкаровски.