Италијанската агенција „АНСА“ пренесува дека сè уште не е пристигната понуда за купување на Салернитана што би требало да доведе до исфрлање на овој клуб од Серија А.

Да потсетиме, зад човекот кој само формално е сопственик на клубот од југот на Италија стои претседателот на Лацио, Клаудио Лотито, а бидејќи фудбалските закони забрануваат еден ист човек да поседува два тима, најверојатно санкциите ќе бидат големи.

Салернитана минатата сезона беше промовиран во Калчото по 22 години минати во пониските лиги. На Лотито му беше наложено да го продаде клубот во текот на летото, пред да започне новата сезона, а подоцна тој рок беше продолжен до 31 декември.

Оваа тема повторно станува актуелна во Италија, бидејќи Клаудио Лотито нема сериозна понуда на само две недели до крајот на годината. А она што за него претставува дополнителен проблем е членот од законот според кој се забранува продажба на клубот на роднини до четврта генерација.

Екипата на Салерно моментално е на дното на табелата во Серија А со осум бодови од 17 натпревари.