Секој четврти Европеец има антисемитски верувања што се во пораст во земјите од Источна Европа, додека во Западна Европа тие обично се на слично ниво како порано, покажува ново истражување.

Според истражувањето спроведено во 14 европски земји од Њујоршката лига против навреди (Anti-defamation league) антисемитски ставови се најраширени во Полска, Украина и Унгарија, во кои повеќе од 40 проценти од испитаниците изразиле вакви ставови.

Истражувањето покажа дека бројот на граѓани со антисемитски погледи во повеќето западноевропски земји е или помал од претходно или скоро непроменет.

Помала раширеност на антисемитски уверувања отколку порано има во Велика Британија, Шпанија, Холандија, Германија, додека значителен пад на ваквите ставови е регистриран во Италија и Австрија.

Благ пораст има во Данска и Белгија, додека во Франција нема промени. Од испитаните земји, најмалку антисемити има во Шведска – четири отсто.