Исчезна дванаесетгодишно девојче од Хрватска. Станува збор за Амела Јелениќ, на која ѝ се губи трага од вчера. Девојчето кое исчезна во Годињак, недалеку од Нова Градишка е родено во 2011 година во Нашице, а на 28 јули побегнало во непознат правец, стои на официјалната веб-страница на МУП.

– Девојчето е високо 155 см. Има кафени очи и кафена коса, среден нос и овално лице и е со средна градба. Во моментот на нејзиното исчезнување таа носела бел фустан со сини риги и бели тениски чевли.

Нејзиното исчезнување го истражува ПУ Брод-Посавина.

– Доколку имате информации за ова лице, известете ја најблиската полициска станица или јавете се на 192. Информациите можете да ги доставите и преку е-пошта: [email protected] – пишуваат хрватските медиуми.