Иран се закани дека ќе нападне електрани низ целиот Блиски Исток, на листата е и нуклеарка во Емиратите
Иран денес се закани дека ќе нападне електрани низ целиот Блиски Исток доколку САД ја остварат својата закана за бомбардирање на електраните во Исламската Република.
Препорачано
Заканата на Техеран, исто така, го загрозува снабдувањето со електрична енергија и вода во арапските држави од Персискиот Залив, бидејќи во нивните електрани се наоѓаат постројки за десалинизација.
Нуклеарна централа во Обединетите Арапски Емирати е исто така на листата на цели за можни напади, која ја објави иранска новинска агенција Фарс, јавува Нова.рс.
Нуклеарната централа Бараках се наоѓа во пустината на запад од Емиратите, во близина на границата со Саудиска Арабија и Катар.
Списокот на евентуални ирански напади врз електрани во регионот ја објави и иранската агенција Мизан.
Инаку, претседателот на САД, Доналд Трамп, претходно изјави дека САД ќе ги нападнат иранските електрани во рок од 48 часа доколку Техеран не се откаже од контролата врз Ормускиот Теснец, кој е важен за светскиот транспорт на нафта.
Рокот истекува денес пред полноќ.
