Иранските власти соопштија дека е погубен маж осуден за шпионажа во корист на израелската разузнавачка служба Мосад, во рамки на засилената пресметка со наводни соработници по 12-дневниот конфликт меѓу Израел, САД и Иран што се случи претходно оваа година.

Според судските извори, егзекуцијата била извршена откако Врховниот суд ја потврдил пресудата за шпионажа, објави „Ал Џазира“.

Осудениот, 27-годишен студент по архитектура, бил уапсен во северозападниот град Урмија откако бил затекнат како фотографира воен објект, а властите тврдат дека соработувал со израелските служби.

Иранските медиуми наведуваат дека тој наводно извршил повеќе од 200 задачи за странското разузнавање во неколку ирански градови, вклучувајќи фотографирање локации, собирање информации и следење сообраќајни шеми. Според обвинението, комуницирал преку енкриптирани апликации и бил плаќан во криптовалута.

Иранските власти погубија осуден израелски шпион

Егзекуцијата е дел од поширок трен  бидејќи по конфликтот во јуни Иран погуби повеќе луѓе обвинети за шпионажа.

Во октомври, Техеран дополнително го заостри законодавството, со што шпионажата за Израел и за САД стана автоматски казнива со смрт и со конфискација на имот.

Иран: Властите погубија човек обвинет за шпионажа за Мосад

Организациите за човекови права, меѓу кои и „Амнести интернешнал“, предупредуваат дека ваквите процеси честопати се нетранспарентни и дека постојат сомнежи за изнудени признанија.

Според нивните податоци, за време на 12-дневната војна израелските напади во Иран однеле најмалку 1.100 животи, по што иранските власти дополнително ја заострија безбедносната и репресивната политика во земјата.

Иран обеси 35-годишен маж обвинет за шпионажа за Израел