Шефот на иранскиот Совет за национална безбедност на Иран, Али Лариџани, одговори на заканите на американскиот претседател Доналд Трамп за можен напад врз електричната мрежа на Иран, велејќи дека во тој случај „целиот регион би потонал во темнина“, пренесуваат медиумите.

Трамп рече дека САД можат да го уништат електроенергетскиот систем на Иран во рок од еден час. Па, ако го сторат тоа, целиот регион ќе остане без струја за помалку од половина час, а темнината дава многу можности за лов на американски војници кои ќе избегаат на безбедно место –  напиша Лариџани на X.

Трамп претходно изјави дека Вашингтон сè уште не ги нападнал постројките за производство на електрична енергија на Иран, но дека е подготвен да го стори тоа доколку Техеран се обиде да ги прекине глобалните испораки на нафта.