Инспекторите на Државниот здравствен и санитарен инспекторат во понеделникот по допрен глас од медиумите влегоа во куќата на директорот на струшката болница и гинеколот д-р Мухамед Асани со полициска асистенција.

Инспектори со полиција влегоа во куќата на лекарот што ја оперираше жената што остана без бубрег, матка и јајник

„Слободен печат“ дознава дека причината поради којашто полицијата морала да се вклучи во надзорот е тоа што пред куќата немало ознака за ординација.

Директорката ДЗСИ д-р Ирина Сотирова Бухова ни изјави дека во ваква ситуација законски морале да ја повикаат полицијата.

Откако влегле внатре пронашле комплетно опремена гинеколошка ординација со чекална, со рецепти, со гинеколошки стол, меѓутоа за ординацијата не постојат никакви документи.

– Посочениот доктор беше повикан, дојде и даде доброволна изјава дека има ординација но не ординира, изјави д-р Сотировска Бухова за „Слободен печат“.

Таа додаде дека за време на вонредниот инспекциски надзор во ординацијата не затекнале пациенти ниту вработени.

• Му се множат кривичните пријави на доктор Мухамед Асани: Црн ден беше денот кога ја породи жена ми!

Токму во оваа домашна ординација родилка и воедно медицинска сестра од Дебар за медиумите изјави дека ѝ била следена целата бременоста која за неа заврши без бубрег, матка и јајчник, меѓутоа инспекторите ова засега не успеваат да го потврдат бидејќи лекарот и директор на струшката болница тврди дека во оваа ординација не прегледува.

Спротивно на оваа пациентката Јелдз Веапоска за „Слободен печат“ изјави дека д-р Мухамед Асани токму во оваа ординација ја следел нејзината бременост затоа што поради пандемијата со коронавирусот преризично за неа било да оди во државната струшка болница.

Родилка од Дебар доживеа хорор во болница: Ми извадија три здрави органи без да ми кажат