Инсиње ќе го напушти Наполи, следната сезона ќе игра во Канада
Лоренцо Инсиње од Наполи ќе направи трансфер во редовите на Торонто, оваа информација ја пренесува новинарот Фабрицио Романо на својот Твитер профил.
Сè е договорено, 30-годишното италијанско крило и соиграч на македонскиот репрезентативец Елиф Елмас, ја прифати понудата на канадскиот клуб.
Тој во јули како слободен агент ќе го облече дресот на Торонто. Според Џанлука Ди Марцио, договорот на пет и пол години треба да биде потпишан во текот на оваа седмица.
Инсиње уште до крајот на оваа сезона ќе игра за „наполитанците“, во Серија А има 15 настапи и четири голови.
Пред да се пресели во Неапол во 2012 година, ги бранеше боите на Пескара, Фоџа и Кавезе.
Lorenzo Insigne from Napoli to Toronto FC, here we go and confirmed! Deal fully agreed, Lorenzo has accepted Toronto bid and he’s joining as free agent in July. 🔴🇨🇦 #TorontoFC @SkySport
Deal to be signed within this week, as per @DiMarzio. Five-and-half year contract confirmed. pic.twitter.com/jUXbDouQF8
— Fabrizio Romano (@FabrizioRomano) January 4, 2022