Има 69 години, четири деца и неверојатен изглед: Ова е тајната на бондовата девојка Џејн Симор! (ФОТО)
Иако има 69 години, атрактивната актерка Џејн Симор ги остава и денес сите без здив со својата витка фигура и младешкото лице.
Убавата актерка Џејн Симор е една од оние дами кои можат да се пофалат со неверојатна фигура и во седмата деценија од животот.
Славната 69-годишна Британка која беше Бонд девојка, воодушевува со својата безвременска убавина, покажувајќи ја на Инстаграм профилот витката фигура во топ и хеланки во својата прекрасна градина.
Витката половина и стомачните мускули ги воодушевија нејзините бројни фанови кои не штедеа да и доделат комплименти.
„Прекрасна, неверојатна“, „Изгледаш како да имаш дваесет години“, се редеа комплиментите на сметка на актерката која живее во Малибу.
Актерката во едно претходно интервју откри дека нејзиниот начин на исхрана главно се базира на пилешко месо и зеленчук, а како што вели, строгата диета никогаш не и донела успех.
„Кај мене трикот е во умереноста бидејќи кога ќе си кажам на себе си: Ок може да го изедеш тој колач, но не цел, тоа поминува“, вели актерката која својата витка фигура ја одржува и со вежби.
Два пати неделно по 30 минути Џејн вежба пилатес, гиротоник и тн. „The Perfect Workout“ кој подразбира вежби со подигнување на мали тегови.
За да се опушти, ужива во подготовката на омилените јадења, релаксирачката купка и дружењето со своите внуци.
„Ме смирува звукот од брановите и водата. Земете си момент само за себе и уживајте во тие мали, но прекрасни моменти кои ја хранат нашата душа“, напиша атрактивната актерка, инаку мајка на четири деца.