Високиот суд во Тирана денеска донесе одлуката со која ја отфрли жалбата на поранешниот претседател на Албанија, Илир Мета. Високиот суд не ја прифати жалбата на Мета, со која се бара негово ослободување од затвор, оставајќи ја во сила одлуката на Специјалниот апелациски суд за корупција, објави Еуроњуз Албанија.

Илир Мета беше уапсен на 21 октомври 2024 година. Мета и неговата сопруга, пратеничката Моника Круемади се осомничени дека, во соработка со други државни функционери, ги злоупотребиле своите државни и политички позиции.

Според обвиненијата, тие се осомничени за фаворизирање на приватни компании и други активности со лобирање во САД и купување и продажба на станови во замена за добивање значителни суми пари, кои се обиделе да ги сокријат.

Мета е обвинет за кривични дела „пасивна корупција“, „перење пари“ и „криење средства“. СПАК ја затвори истрагата на 28 јули, додека досието беше испратено на судење кон крајот на август.