Илир Мета добитник на „Златен лав“ во Венеција – Слободен печат
ВестиРегион

Илир Мета добитник на „Златен лав“ во Венеција

Наградата беше доделена од локалната власт на Венеција. Во својот говор, претседателот Мета истакна дека наградата е симбол на единственото пријателство меѓу Албанија и Италија.

Албанскиот претседател Илир Мета на церемонијата во Венеција ја доби наградата „Златен лав“. Наградата е доделена за придонес во промовирањето на демократијата и политичкиот плурализам, зајакнувањето на мирот и стабилноста на Балканот, за промовирање на верската толеранција, како и за развојот на албанско-италијанските односи.

Наградата беше доделена од локалната власт на Венеција. Во својот говор, претседателот Мета истакна дека наградата е симбол на единственото пријателство меѓу Албанија и Италија.

„Оваа награда е посветена пред сѐ на граѓаните на Албанија, особено на Албанците во Италија и нивните семејства. Ова е награда за илјадници Италијанци кои долго време живееле и работеле во Албанија. Оваа награда е симбол на пријателството меѓу Италија и Албанија, што е единствено и неразделно“, рече претседателот на Албанија.

Тој истакна дека добиената награда е и за неговото семејство, за поддршката и љубовта кои му овозможиле да работи секој ден упорно и напорно.

„Оваа награда е посветена и на сите умерени лидери од регионот, кои, благодарение на својата зрелост и дијалог, ги доближија балканските земји поблиску до Европа“, истакна Илир Мета.

Наградата е основана пред 71 година. Илир Мета е добитник на наградата „Светски политички лидер за 2018 година“, доделена од фондацијата „Фуедус“, за поттикнување и зајакнување на односите и пријателството меѓу Албанија и Италија.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close