Игра за 100 евра, а сега го купи својот клуб и го спаси од банкрот!
Висла Краков имаше огромни финансиски проблеми и пред пандемијата на коронавирусот, а оваа зараза уште повеќе ја зголеми кризата во клубот.
Прославениот полски фудбалери Јакуб Блашчиковски одлучи да ја спаси својата Висла Краков од банкрот со тоа што ја купи.
Клубот имаше огромни проблеми и пред пандемијата на коронавирусот, но откако заразата се прошири ширум светот и ги прекина спортските натпреварувања, полскиот великан влезе во додатни проблеми.
Во моментот кога првите луѓе на Висла размислуваа за банкрот, се појави 34-годишниот Блашчиковски и заедно со уште неколку пријатели го спаси клубот, пишуваат полските медиуми.
Wczoraj w Wiślackiej rodzinie doszło do bardzo ważnego wydarzenia! Dzięki porozumieniu z @TSWislaKrakow po 24 latach piłkarska @WislaKrakowSA uzyskała pełne prawa do swojej nazwy i historycznego herbu klubu. Dziękuję wszystkim, którzy to umożliwili! https://t.co/CwuKZFzkNG pic.twitter.com/TFkneXL5Zf
— Tomasz Jażdżyński (@jazdzynski) April 1, 2020
Сето тоа се случи за краток период, легендарниот напаѓач и сега член на Висла, со двајца пријатели бизнисмени, Томас Јадзински и Јарослав Кролевски го одлучија да го купат клубот и ги отплатат сите неговите долгови кои ги имаа во минатото.
Блашчиковски освен играч, ќе биде еден од сопствениците, но и финансиер. Во својата кариера играше и за екипите на Борусија Дортмунд, Фиорентина, Волфсбург…
Минатата зима дојде во Висла со цел да му помогне на тимот да обезбеди опстанок. Прифати да игра за околу 100 евра месечно и уплати 300.000 евра на сметката на клубот со цел да се подмират претходните долгови,
Висла 14 пати беше шампион на Полска, а последен пат беше на врвот во 2011 година.
